La pratcha i'l CSVM es averta in media mincha seguond'eivna. Pel solit la gövgia e'l venderdi a partir da las 8.00 fin las 12.00 e da las 13.00 fin las 17.00 tenor termins fixats in ouravant.
Annunzchas suot la nomra da telefon: 081 851 61 80.
Annunzchas: tel.: 081 851 61 80. Our dals uraris da preschentscha, vain Vos telefon invià sül telefonin da duonna Tamara Melcher, assistenta dentala. Vus pudais stipular cun ella ün termin obain, in cas scha ella nun es radschungibla, discuorrer sül respundader. Duonna Melcher pigla lur sü contact.
Dis da lavur:
- lündeschdi e mardi 4 e 5 november 2024 (igienicra da daints)
- marcurdi, gövgia e venderdi 6 fin 8 november 2024
- lündeschdi e mardi 18 e 19 november 2024 (igienicra da daints)
- marcurdi, gövgia e venderdi 20 fin 22 november 2024
- lündeschdi e mardi 2 e 3 december 2024 (igienicra da daints)
- marcurdi, gövgia e venderdi 4 fin 6 december 2024
- lündeschdi e mardi 16 e 17 december 2024 (igienicra da daints)
- marcurdi, gövgia e venderdi 18 fin 20 december 2024
Ils dis da lavur cumplettaina cuntinuant sün quista pagina.
Per ün bun stadi general tocca eir la sandà dals daints e da l’apparatura da mas-char. Nus sgürain cun nossa pratcha da daintist i’l Center da sandà il provedimaint da la medicina dentala da noss abitants da la chasa da chüra, da la populaziun e dals giasts da la Val Müstair. Implü es mia incumbenza la chüra da daints per noss scolars. Il böt es quel da promouver pro noss uffants la sandà dals daints e da l’apparatura da mas-char tras infuormaziuns e üna buna profilaxa.
La pratcha dispuona sur d’üna infrastructura moderna, uschè chi pon gnir fat bod tuot ils trattamaints bsögnaivels.
Pro noss servezzans toccan:
• Consultaziun inclus radiografias
• Igiena dals daints e profilaxa
• Plombas da daints
• Trattamaints da la ragisch
• Curunas e punts
• Protesas demontablas e protesas totalas
Dr.med.dent. Heiner Cueni
