Il Center da sandà Val Müstair ha d’incuort gnü la pussibiltà, da preschantar las lavuors i’l CSVM ad üna gronda quantità da lectuors (ediziun 2.5 milliuns exemplars). Ils signurs Reto E. Wild ed il fotograf Samuel Trumpy han fat la visita ed accumpognà a nus dürant ün di. Landroura es dvantada üna reportascha da tschinch paginas.
A signur Reto E. Wild nun esa be reuschi da descriver nos punct da vista sur dal CSVM, dimpersè eir da laschar gnir a pled al schef da l’Uffizi da sandà dal Grischun, sar dr. Rudolf Leuthold. La zuond positiva posiziun da sar dr. Rudolf Leuthold sur dal CSVM ans fa grond plaschair e nus lain quatras gugent preschantar quella.