Nus pisserain per Vossa chüra medicinala a moda individuala, dimena tenor quai chi fa dabsögn per Vus: in cas da malatia o da ferida, obain scha Vus dovrais üna vaccinaziun. In tuot quels cas es nos Center da sandà Vos partenari per tuot la vita.

Nus As fliain ambulantamaing a moda optimala in nossa pratcha medicala. Scha Vus dovrais ün trattamaint staziunari dal provedimaint da basa o da medizina interna, As trattaina professiunalmaing in nos ospidal acut. Schi voul trattamaints specials in oters chomps medicals, As transferina per quels trattamaints pro'ls meidis specialists adequats; lura surpigliaina darcheu il trattamaint posteriur. Uschea eschna Voss partenaris chi As accumpogna e cussaglia per l'inter andamaint dal trattamaint.

Nus disponin d'ün dals meglders apparats ad ultrasuns; uschea pudaina analisar la circulaziun dal sang; quai es üna revoluziun, pustüt pro la diagnosa d'inflammaziuns, tumors e sanguinadas. Implü pudaina dovrar quel apparat eir per applichar il nouv trattamaint da varizas, il qual gratischa schi's squitta s-chima aint illas avainas pertoccas. Pro diagnosas dovraina eir nos apparat da radiografia, noss indrizs d'endoscopia per organs interns e noss apparats da visita per cour e pulmuns. Nossa sala d'operaziuns es tuottafat equipada e stà adüna a disposiziun per operaziuns ambulantas.

Contact
Dr. med. Theodor von Fellenberg
schefmeidi
Tel. 081 851 61 00

Franziska Pfeiffer
manadra da la pratcha
Tel. 081 851 61 00

SQS Zertifiziert

SQS ISO 9001/2008Wir haben unser ganzes 
Gesundheitszentrum nach
den strengen Richtlinien
der ISO-Norm 9001:2015 
zertifizieren lassen.